Fundur í Dalabúð á morgun

| .

Félag sauðfjárbænda í Dalasýslu heldur aðalfund í Dalabúð á morgun 7. febrúar, klukkan 20.30.

Á fundinn mæta Oddný Steina Valdsóttir, formaður LS og Unnsteinn Snorri Snorrason, framkvæmdastjóri og fara yfir starfsemi LS á liðnu ári og stöðu mála.  

Enn tafir á afgreiðslu stuðningsgreiðslna til bænda

| .

Áætlanir Búnaðarstofu um greiðslu á uppgjöri á heildarframlagi til sauðfjárbænda vegna ársins 2017 og fyrstu greiðslu beingreiðslna á árinu 2018 gengu ekki upp.  Frá þessu er greint á heimasíðu MAST.

Hér má lesa fréttatilkynninguna

Starfsfólk Búnaðarstofu gerir sitt besta til að koma þessum greiðslum til skila sem fyrst. Við höfum fengið mikla gagnrýni frá bændum á störf Búnaðarstofu síðustu daga.  Við munum koma þeirri gagnrýni til skila og leita allra leiða til að þessi staði komi ekki upp aftur.

Stuðningsgreiðslur til sauðfjárbænda

| .

Búnaðarstofa MAST hefur gefið frá sér eftirfarandi fréttatilkynningu:

Búnaðarstofa Matvælastofnunar vonast til að hægt verði að ganga frá ársuppgjöri stuðningsgreiðslna til sauðfjárbænda fyrir árið 2017 í dag 1. febrúar. Í ársuppgjöri verða greiðslur til framleiðenda leiðréttar í samræmi við raunverulega framleiðslu ársins 2017 og vegna annarra breytinga á forsendum heildargreiðslna, svo sem ef þeir standast ekki skilyrði fyrir álagsgreiðslu í gæðastýrðri sauðfjárframleiðslu. Ef bú uppfyllir ekki skilyrði fyrir stuðningsgreiðslum er Matvælastofnun heimilt að endurkrefja nýjan framleiðanda um allar ofgreiddar stuðningsgreiðslur fyrir búið ef skipt hefur verið um handhafa á árinu. Þá er rétt að vekja athygli á því að ef handhafaskipti eru ekki tilkynnt til Matvælastofnunar með réttum hætti áður en lokauppgjör fer fram þá ber Matvælastofnun ekki að endurkrefja fyrri handhafa um ofgreiddar stuðningsgreiðslur fyrir búið.

Öflun og hagnýting rekstrargagna á sauðfjárbúum

| .

Hvetjum bændur til að kynna sér þetta verkefni. Afar gagnlegt að fá þessa greiningu fyrir sitt bú og ekki síður samanburðinn við önnur bú. Vonandi sjá fleiri ástæðu til þess að taka þátt í ár. Landssamtök sauðfjárbænda höfðu mikið gagn af þeim niðurstöðum sem fengust úr þessu verkefni á síðasta ári. Þær upplýsingar skiptu miklu máli í samtali okkar við stjórnvöld. Við viljum sjá þetta verkefni eflast enn frekar og hvetjum bændur til þátttöku.

https://www.rml.is/is/starfsemi/frettir/oflun-og-hagnyting-rekstrargagna-a-saudfjarbuum

Fleiri fréttir

Vinsælustu fréttirnar