Landbúnaðarsýningin í Laugardagshöll

| .

Landssamtök sauðfjárbænda standa vaktina í bás Bændasamtaka Íslands á landbúnaðarsýningunni á morgun frá klukkan 13-16.  Við munum bjóða gestum upp á grillað lambakjöt í samvinnu við Meistarafélag kjötiðnarðarmanna.  Það hefur verið frábær aðsókn á Landbúnaðarsýninguna enda hafa sýnendur lagt mikinn metnað í þátttökuna.  Við hvetjum alla sauðfjárbændur að líta við í básnum hjá BÍ og gæða sér á gómsætu lambakjöti á morgun.  Sýningin er opin á morgun frá klukkan 10 - 17.

58 laugardalsholl view2

Smalamennskum flýtt vegna veðurs

| .

Veðurspá fyrir fimmtudag og föstudag gerir ráð fyrir norðan og norðvestan 10-20 m/s og slyddu eða snjókomu ofan 100-200 metra hæðarlínu á norðan og austanverðu landinu.  Bændur víða á norður og austurlandi hafa flýtt göngum vegna veðurs.  Mönnum er í fersku mynni þegar fé fennti eftir hausthret sem gerði um miðjan september 2012.  Þá var staðan sú að mest allt fé var enn á fjalli.  Nú er fyrstu gögnum lokið í flestum sveitum og því megnið af fénu komið heim.

Kort

Á myndinni hér fyrir ofan, sem er fengin af heimasíðu Veðurstofunnar, má sjá veðurþáttaspá fyrir hitastig fyrir allt landið á fimmtudaginn klukkan 17.00.  Enn getur verið nokkur óvissa í spám og því rétt að fylgjast vel með þróun mála.

// uss

Fleiri fréttir

Vinsælustu fréttirnar